التخطي إلى المحتوى الرئيسي

الهجرة الي كندا عن طريق التوظيف

Global Talent Stream – Temporary Foreign Worker Program
==============================================

من شهرين كدة, يوم 12 يونيو2017, الحكومة الكندية ابتدت مشروع تجريبي هيستمر لمدة سنتين. المشروع هو stream جديد اسمه ال Global Talent Stream. ده باختصار هو "طريق سريع" للسماح للشركات في كندا انها تعين كفاءات من خارج كندا في بعض المهن في مجال ال IT حيث انه من المجالات اللي فيها نقص شديد في كندا. ال stream ده فرع من ال Temporary Foreign Worker Program. الحكومة بتوعد أي حد يجيب  job offerويقدم عن طريق ال stream ده انها تبتدي شغل في ورقه في خلال أسبوعين عشان ييجي كندا ويبتدي شغل بسرعة.

دي فرصة ذهبية لأي حد بيشتغل في إحدى المهن دي, ولسبب أو لآخر مش eligible انه يهاجر, أو ال score بتاعه قليل قوي. ممكن ييجي كندا على عقد عمل وبعدين يقدم على هجرة من هنا.

طب ايه المهن المطلوبة حاليا ؟ المهن أهيه:


NOC Code - Occupation

0213 - Computer and information systems managers
2147 - Computer engineers (except software engineers and designers)
2171 - Information systems analysts and consultants
2172 - Database analysts and data administrators
2173 - Software engineers and designers
2174 - Computer programmers and interactive media developers
2175 - Web designers and developers
2241 - Electrical and electronics engineering technologists and technicians
2283 - Information systems testing technicians
Sub-set of 5241 - Digital media designers

طب يعني ايه الرقم اللي أنا حاطه قبل أي شغلانة ده واسمه NOC Code ؟ ده كود كدة من أربع أرقام لكل occupation في كندا. كندا بتدي كل شغلانة NOC code و Skill Level/Type. لو انت شغلك قريب من الحاجات دي بس ال title بتاعك مختلف شوية وانت شاكك انها نفس الشغلانة ممكن تتأكد من هنا:

++ National Occupational Classification 2016 (NOC):

http://noc.esdc.gc.ca/English/noc/welcome.aspx?ver=16

لما تفتح اللينك دي, هتلاقي مكان تكتب فيه الكود بتاعك – من الحاجات اللي فوق – وهيقولك كل حاجة عن ال occupation دي في كندا, وكمان كل ال job titles المحتملة تحت نفس ال occupation. لو لقيت نفسك في حاجة منهم, يبقى انت من المحظوظين, وابتدي قدم على شغلك هنا في كندا ومتضيعش وقت.

من أهم مواقع البحث عن عمل في كندا :

https://ca.indeed.com
https://www.workopolis.com/en/
https://www.monster.ca/
http://www.careerbuilder.ca/
http://www.eluta.ca/
https://www.glassdoor.ca
https://www.ziprecruiter.com/

طبعا بالإضافة لمواقع الشركات نفسها لو انت بتستهدف شركة معينة.

طيب, انت قدمت على شغلانة, واتعمل معاك انترفيو والحمد لله اتقبلت. نعمل ايه بقا ؟

فيه جزئين. جزء هتعمله الشركة اللي انت اتقبلت فيها عشان تجيبك لكندا, وجزء عليك. اللي على الشركة انها تملأ application وتعمل شوية إجراءات كدة كلها مكتوبة بالتفصيل هنا:

++ Program requirements for the Global Talent Stream

https://www.canada.ca/en/employment-social-development/services/foreign-workers/global-talent/requirements.html

++ Before, How and After You Apply

https://www.canada.ca/en/employment-social-development/services/foreign-workers/global-talent.html

ودي لينك ال application اللي الشركة هتملاه عشان لو قالولك مش عارفين يعملوا ايه:

++ Global Talent Stream Application

https://www.google.ca/url?sa=t&rct=j&q=&esrc=s&source=web&cd=1&cad=rja&uact=8&ved=0ahUKEwi9qOr84cPVAhXFx4MKHUV9CXEQFggoMAA&url=http%3A%2F%2Fwww.servicecanada.gc.ca%2Feforms%2Fforms%2FESDC-EMP5624(2017-05-001)E.pdf&usg=AFQjCNGhuXb705bxong5plWshlxSEiUJyQ

وده ال application guide اللي يفهمهم خطوة خطوة يملوا ال application اللي فوق ازاي:

++ Application guide for employers to hire a Temporary Foreign Worker through the Global Talent Stream

https://www.canada.ca/en/employment-social-development/services/foreign-workers/global-talent/applicant-guide.html

طيب, الشركة عملت اللي عليها ومشيوا في الاجراءات وملوا ال application ودفعوا ال $1000 واشتغلوا مع الحكومة على حاجة اسمها ال Labour Market Benefits Plan وخلصوا من ناحيتهم. هيدوك حاجتين عشان انت تعمل الجزء بتاعك: 

1- Job offer
2- LMIA (Labour Market Impact Assessment)

معاك الورقتين دول, تقدم بقة على work permit عشان تنورنا هنا. الخطوات مكتوبة هنا:

++ Apply for a Work Permit

http://www.cic.gc.ca/english/work/apply-how.asp

* ملحوظة مهمة: عشان تستفيد بفترة الأسبوعين, لازم تقدم على إذن العمل online. 

بالتوفيق للجميع

تعليقات

المشاركات الشائعة من هذه المدونة

الموضوع الشامل للهجرة الى كندا عن طريق الاكسبريس انتري Express Entry

الموضوع الشامل للهجرة الى كندا عن طريق الاكسبريس انتري ---------------------------------------------- طبعاً ناس كتير داخلة جديد ونفسها تهاجر الى كندا ومتلخبطة من كتر الكلام والارقام والمعلومات ومش عارفة تبدأ منين .. عملت الموضوع ده لكل اللي بيسأل نبدأ منين بس لازم تقرأ الموضوع ده كويس جداً .. * لازم قبل كل شيء تفهم الموضوع بشكل كامل وتعرف انت محقق الشروط ولا لأ قبل ما تاخد اي اجراء وتضيع وقت وفلوس شروط التقديم لهجرة كندا كالتالي : 1- خبرة سنة على الاقل في احد الوظائف المطلوبة . 2- اختبار لغة (ايلتس للانجليزي او  tef  للفرنسي) 3- تقييم المؤهل الدراسي . 4- المقدرة المالية . 5- الحصول على 67 نقطة على الاقل من اختبار القبول * في حالة عدم تحقيق اي شرط من الشروط دي لا يمكنك التقديم للهجرة الى كندا بنظام الاكسبريس انتري* التفاصيل : ----------